Բրազիլիայի պատմության մեջ առաջին անգամ երեխայի ծննդյան վկայականում երեք ծնողի անուն են գրանցել: Նման վճիռ է կայացրել երկրի ամենից հարավային՝ Ռիու Գրանդի դու Սուլ նահանգում, նշելով, որ իր որոշումը նախադեպային է եւ բրազիլական մյուս ատյաններին հնարավորություն է ընձեռում նույն կերպ վարվել: Այս մասին տեղեկացնում է BBC-ի ռուսական ծառայությունը:
Վկայականում նշված են փոքրիկի կենսաբանական ծնողներն ու մոր կինը: Կանայք ամուսնացել են երկու ամիս առաջ: Երեխայի հայրն ընտանիքի մտերիմ ընկերն է, ով մտադիր է մասնակցել փոքրիկի դաստիարակությանն ու խնամքին:
Դատավորի խոսքով՝ նորածնին սիրով եւ հոգատարությամբ լի հիասքանչ ապագա է սպասվում: