Հռոմի Ֆրանցիսկոս Պապը Վատիկանում 20 զույգի պսակադրության արարողություն է կատարել: BBC-ի ռուսական ծառայության փոխանցմամբ՝ սա վերջին 14 տարիների ընթացքում Հռոմի Պապի մասնակցությամբ առաջին նման արարողությունն է:
Սուրբ Պետրոսի տաճարում պսակադրվողների մեջ եղել են զույգեր, որոնց կարգավիճակն ավանդաբար չի խրախուսվում Վատիկանի կողմից. նրանցից ոմանք ամուսնությունից առաջ ապրել են միասին, իսկ ամուսնացող կանանցից մեկը երեխա է ունեցել նախորդ սիրավեպից:
Պսակադրության կարգը կատարվել է կաթոլիկ եպիսկոպոսների հավաքից մեկ օր առաջ, որտեղ դիտարկվելու է ընտանիքի հարցերով կաթոլիկ եկեղեցու ուսմունքը:
Ֆրանցիսկոս Պապը ձեռնադրվելուց ի վեր իր նախորդից՝ Բենեդիկտոս XVI-ից տարբերվող ուղեգիծ է որդեգրել: