ԱՄՆ-ի պետքարտուղար Ջոն Քերին հերթական անգամ հերքել է «Իսլամական պետություն» ծայրահեղական շարժման դեմ պայքարում Իրանի հետ հնարավոր համագործակցության մասին տեղեկությունը, հաղորդում է BBC-ի ռուսական ծառայությունը՝ վկայակոչելով Քերիի մամուլի քարտուղարին:
Ավելի վաղ, Իրանի հոգեւոր առաջնորդ այաթոլլա Համենեին հայտարարել է, որ մերժում է ամերիկացիների հետ համագործակցությունը՝ չնայած նրանց խնդրանքին: Ամերիկյան կողմն, իր հերթին, ընդհանրապես ժխտում է, որ իրանցիներին համագործակցություն է առաջարկել:
1980թ.-ից ի վեր դիվանագիտական հարաբերություններ չունեցող կողմերը համակարծիք են «Իսլամական պետությունից» բխող սպառնալիքի իրենց գնահատումներում:
Օգոստոսի սկզբին Իրաքի քրդական ինքնավարության տարածում ամերիկյան եւ իրանական պաշտոնատար անձանց պայմանագրերի մասին հաղորագրություն էր տարածվել:
Սեպտեմբերի 15-ին Իրաքի իրավիճակի շուրջ միջազգային համաժողով էր գումարվել, որին Իրանը հրավիրված չէր:
