Չինական Չունցին քաղաքի իշխանությունները հետիոտնի համար նախատեսված գոտին բաժանել են մասերի. նրանց համար, ովքեր քայլելին օգտվում են հեռախոսից, եւ նրանց համար, ովքեր այդ չեն անում: Չունցինի կենտրոնում գտնվող ժամանցային շրջանում նման նշագծում հայտնվել է կամուրջի վրա: Այս մասին գրում է Gazeta.ru-ն՝ վկայակոչելով Time-ին:
Տեղական իշխանության ներկայացուցիչ Նոնգ Չենգի խոսքով, սա անուշադիր հետիոտնի դեմ պայքարի միջոց է: «Փողոցում բազմաթիվ տարեց մարդիկ ու երեխաներ կան, եւ հեռախոսը ձեռքին քայլողները կարող են բախվել ինչ-որ մեկին»,- բացատրել է Նոնգ Չենգը:
Նա նաեւ դժգոհել է, որ անցորդների մեծ մասը չի հետեւում նշագծումներին:
Հաղորդվում է, որ չինական իշխանությունների մոտ այս ակցիայի միտքը ծագել է Վաշինգտոնում National Geographic հեռուստաալիքի անցկացրած փորձի արդյունքում: Ամերիկյան մայրաքաղաքի բնակիչների մեծ մասը նույնպես չի հետեւել ճանապարհի նշագծումներին եւ շարունակել է օգտվել հեռախոսից:
