Բրիտանական Նյուփորթում կայացած ՆԱՏՕ-ի գագաթաժողովի ժամանակ Սերժ Սարգսյանի հետ հանդիպումներով Ֆրանսիան եւ ԱՄՆ-ն հազիվ թե փորձում էին Ռուսաստանի դիրքերը թուլացնել ղարաբաղյան հակամարտության կարգավորման բանակցային գործընթացում: NEWS.am-ի թղթակցի հետ զրույցում նման կարծիք հայտնեց Օքսֆորդի համալսարանի պրոֆեսոր, Հարավային Կովկասի գծով փորձագետ Նեյլ Մաքֆարլեյնը:
Նրա խոսքով, դժվար է ենթադրել, որ ֆրանսիական եւ ամերիկյան կողմերի նախաձեռնած հանդիպումները կազմակերպվել էին՝ որպես մրցակցություն Սարգսյան-Ալիեւ-Պուտին հանդիպմանը: «Չկան տվյալներ, որոնք կվկայեին այդ մասին»,- հավելեց փորձագետը:
Հիշեցնենք, որ սեպտեմբերի 4-ին ՆԱՏՕ-ի գագաթաժողովում Ֆրանսիայի նախագահ Ֆրանսուա Օլանդն ու ԱՄՆ պետքարտուղար Ջոն Քերրին եռակղմ հանդիպումներ էին անցկացրել Հայաստանի եւ Ադրբեջանի նախագահների հետ: