Փրկարար ծառայությունը սեպտեմբերի 15-ին, ժամը 16.58-ին ահազանգ է ստացել, որ միջպետական Մ-1 ավտոճանապարհի Երեւան-Գյումրի հատվածում (53-րդ կմ), տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ դեռեւս չբացահայտված հանգամանքներում «ՎԱԶ 2103» մակնիշի 67 LS 427 պ/հ ավտոմեքենան դուրս է ճանապարհի երթեւեկելի հատվածից եւ մոտ 6 մ գլորվել հարակից ձորակը:
Մինչ հրշեջ-փրկարարների կանչի վայր հասնելը վարորդ Վ. Կ.-ը (ծնվ. 1981թ., ք.Երեւան) եւ ուղեւոր Կ. Պ.-ը (ծնվ.1988թ., ք.Երեւան) տեղի ուժերով դուրս են բերվել եւ տարբեր աստիճանի մարմնական վնասվածքներով հոսպիտալացվել Աշտարակ քաղաքի ԲԿ, որտեղ հրաժարվել են բուժ.օգնությունից:
Հրշեջ-փրկարարները դադարեցրել են գազի արտահոսքը, ուղղել եւ հոսանքազրկել ավտոմեքենան: