Երեւանի Ստանիսլավսկու անվան ռուսական դրամատիկական թատրոնի բեմին օրերս թատրոնի գեղարվեստական ղեկավար Ալեքսանդր Գրիգորյանը պարգեւատրվել է «Ռոսսոտրուդնիչեստվոյի» բարձրագույն գերատեսչական պարգեւի` «Խաղաղության, բարեկամության եւ համագործակցության ամրապնդման համար մեդալով»: «Ռոսսոտրուդնիչեստվոյից» NEWS.am-ին հաղորդել են, որ մեդալը շնորհել է «Ռոսսոտրուդնիչեստվոյի» հայաստանյան ներկայացուցչության ղեկավար Մարկ Կալինինը՝ թատերաշրջանի բացման շրջանակներում: Այս տարի թատերաշրջանը կբացվի Գրիգորի Գորինի «Հիշատակի աղոթք» բեմադրությամբ:
Ա. Գրիգորյանը, թատրոնի նկատմամբ ուշադրության համար երախտագիտություն հայտնելով «Ռոսսոտրուդնիչեստվոյին», նշեց. «Սա ոչ միայն իմ մեդալն է, սա նաեւ մեր ողջ աձնակազմի եւ հանդիսատեսի մեդալն է»:
