Շատուշատ մարդիկ ցանկություն ունեն դառնալու Հայաստանի նախագահ, միայն Ռոբերտ Քոչարյանը չէ: Այսօր՝ սեպտեմբերի 16-ին մի քանի լրագրողների հետ զրույցում ասաց ԵԿՄ նախագահ, ԱԺ պատգամավոր Մանվել Գրիգորյանը՝ պատասխանելով հարցին, թե ինչպես է վերաբերվում երկրորդ նախագահի հավանական վերադարձին:
«Քոչարյանը կարող ա շատ բան ուզենա, նա ազատ մարդ ա: Ազատ ա որոշելու, թե ինչ է ուզում անել, բայց ժամանակը ցույց կտա, թե ինչ կլինի: Առաջիկա չորս տարիներին մենք ունենք հանրապետության նախագահ՝ Սերժ Սարգսյանը: Նրանից հետո թե ով կլինի, պետք է Նոստրադամուսը լինենք, որ գուշակենք: Չորս տարի հետո հարցրեք, ես իմ կարծիքը Քոչարյանի վերադարձի մասին կասեմ»,- նշեց ԵԿՄ նախագահը: