Ոստիկանության Երեւան քաղաքի վարչության ծառայողներն օրերս Կոտայքի մարզի Բալահովիտ գյուղից բերման են ենթարկել 1988 թ. ծնված Սմբատ Գ.-ին:
Ոստիկանության լրատվության վարչությունից հայտնում են, թե նա 2007 թ. մարտի 10-ից ոստիկանության Կոտայքի բաժնի կողմից հետախուզվում էր ՀՀ քր. օր.-ի 112 հոդվածի 2-րդ մասի 14-րդ կետի մեղադրանքով (Դիտավորությամբ առողջությանը ծանր վնաս պատճառելը, որը կատարվել է անզգուշությամբ առաջացնելով տուժողի մահ):
Խափանման միջոցը` կալանք:
Հետախուզվողի հայտնաբերման մասին տեղյակ է պահվել հետախուզումը նախաձեռնողին:
