Գերագույն ռադան վավերացրել է Ուկրաինայի եւ ԵՄ-ի միջեւ ասոցացման մասին համաձայնագիրը՝ երկրի նախագահ Պյոտր Պորոշենկոյի, վարչապետ Արսենի Յացենյուկի եւ կառավարության անդամների ներկայությամբ, փոխանցում է ՈՒՆԻԱՆ-ը:
«Կողմ» են քվեարկել գրանցված 381 ժողովրդական պատգամավորներից 355-ը, «դեմ»՝ 0, 26 –ը չեն քվեարկել:
Որոշում կայացնելուց հետո պատգամավորները, կառավարության անդամները եւ նախագահը հոտնկայս երգել են Ուկրաինայի օրհներգը: Համապատասխան քվեարկություն է կայացել նաեւ Ստրասբուրգում՝ Եվրախորհրդարանի լիագումար նիստում: Երկու խորհրդարաններն էլ ուղիղ տեսակապով կապի մեջ են եղել: Ուկրաինան եւ Եվրամիությունը ասոցացման մասին համաձայնագրի քաղաքական մասը ստորագրել էին մարտի 21-ին՝ մինչեւ նախագահի ընտրությունը հետաձգելով տնտեսական մասին ստորագրումը, որը ներառում է ազատ առեւտրի գոտու ստեղծման մասին դրույթը:
