Երեւանում սեպտեմբերի 18 –ին իրանական ապրանքների ցուցահանդես կբացվի, սեպտեմբերի 16-ին լրագրողներին հայտնել է իրանահայ գործարար եւ բարերար Լեւոն Ահարոնյանը: Արդեն 16-րդ ցուցահանդեսը կկայանա «Մերգելյան էքսպո կենտրոնում», կմասնակցի շուրջ 50 ընկերություն:
Գործարարի խոսքով՝ ընկերություններից մեկը, որի բաժնետերերից է ինքը, Հայաստանին ջրի պլաստմասե բաքեր կներկայացնի, որոնք կարող են շատ հարմար լինել գյուղացիական տնտեսություններ համար: «220 լիտրանոց այդպիսի 1 բաքը կարող է ջրի հիանալի պահեստարան ծառայել ամբողջ ընտանիքի համար: Իսկ եթե այն արեւային տաքացուցիչով օգտագործվի, ընդհանրապես իդեալական տարբերակ կլինի:
