Հայաստանում խորհրդարանական համակարգի անցնելու կողմնակիցները նույնպես դեմ են արտահայտվում սահմանադրական բարեփոխումներին, ինչը դրանց անցկացման անժամանակ լինելու ազդանշան է: Այս մասին հայտարարել է «Ժառանգության» առաջնորդ Րաֆֆի Հովհաննիսյանը՝ սկսելով սահմանադրական բարեփոխումների քննարկումը:
Ըստ նրա՝ եթե առաջարկված սահմանադրական բարեփոխումներն արդեն ընդունված եւ գործելիս լինեին, դա իրավիճակի ինչ-որ փոփոխության չէր հանգեցնի, քանի որ երկրում արդեն այսօր շատ խնդիրներ Սահմանադրությանը չհետեւելու հետեւանք են: «Սահմանադրությունը ոչ միայն բովանդակություն է, այլեւ կանոնադրություն: Երկիրը զարգացման բավարար մակարդակի չի հասել, իսկ իշխանությունները բավարար լեգիտիմությունը չունեն այդքան կարեւոր գործընթացի իրականացման համար»:
Հովհաննիսյանը նաեւ նշել է, որ իրեն շփոթեցնում է բարեփոխումների անցկացման ժամանակը: Նա մատնանշել է այն հանգամանքը, որ բարեփոխումների մասին սկսեցին խոսել նախագահի վերջին ընտրություններից հետո, երբ գործող նախագահն այլեւս չի կարող վերընտրվել:
Գործընթացը ստվերող եւս մեկ կարեւոր հանգամանք է այն, որ սահմանադրական բարեփոխումների հանձնաժողովի ղեկավար է նշանակվել ՍԴ նախագահը: Հովհաննիսյանն այստեղ շահերի բախում է տեսնում:
«Դատական իշխանության ներկայացուցիչը չպետք է ներգրավված լինի այս գործընթացին», - նշել է նա՝ կոչ անելով հնարավորության դեպքում ուղղել սխալը: