Փրկարարները Լագոսում կրոնական կենտրոնի փլատակների տակից մի կնոջ են դուրս բերել, ով այնտեղ 4 օր է անցկացրել: Չնայած դրան՝ նա հրաժարվել է հիվանդանոց փոխադրվել եւ տուն է գնացել: Բժիշկները նրա մոտ լուրջ վնասվածքներ չեն հայտնաբերել: Այս մասին հաղորդում է BBC-ի ռուսական ծառայությունը:
Միաժամանակ, ողբերգության արդյունքում զոհերի թիվն արդեն հասել է 60-ի, ավելի քան 130 մարդ վնասվածքներ է ստացել:
«Սինագոգ. բոլոր ազգերի եկեղեցի» կրոնական կազմակերպության հյուրատունը, որը գլխավորում է Նիգերիայում հայտնի քարոզիչ Թեմիթոպե Բալոգուն Ջոշուան, փլուզվել էր սեպտեմբերի 12-ին:
Պատահարի պատճառները դեռեւս հայտնի չեն, սակայն տեղական մամուլը որպես հնարավոր վարկած նշում է շինարարության ժամանակ լրացուցիչ երեք հարկերի կառուցումը:
