Վերջին 4 տարիների ընթացքում քրեակատարողական հիմնարկներից կալանավորների փախուստի դիմելու դեպքեր չեն արձանագրվել: Այս մասին NEWS.am-ի թղթակցի հետ զրույցում ասաց ՔԿՀ հանրային կապերի բաժնի պետ Գոռ Ղլեչյանը:
Նրա խոսքով, փախուստի փորձեր մի քանի անգամ եղել են, սակայն կանխվել են աշխատակիցների կողմից: Ինչ վերաբերում է վերջին դեպքին` «Նորքի» ինֆեկցիոն հիվանդանոցից կալանավորի փախուստին, ապա Գոռ Ղլեչյանը նշեց, որ դա փախուստ էր այլ վայրից. կալանավորը մինչ այժմ չի հայտնաբերվել:
Ինչ վերաբերում է ՔԿՀ-ներում թմրամիջոցներ հայտնաբերելուն, որի ամենատարածված տեսակը տեսակցություն գնացած անձի մոտ կալանավորի համար թմրամիջոց տանելն է, ապա Գոռ Ղլեչյանն ասաց. որ ամսվա ընթացքում մոտ 5 նման դեպք է արձանագրվել եւ հայտնաբերվել, բայց տարվա կտրվածքով տվյալ չեն կարող հայտնել, քանի որ քրեական գործերը հարուցվում են ոստիկանությունում: