Ազգային ժողովի Հանրապետական խմբակցությունն այսօր՝ սեպտեմբերի 17-ին, նիստ է գումարել, որտեղ քննարկել օրենսդրական հարցեր: Այս մասին NEWS.am-ի թղթակցի հետ զրույցում ասաց ՀՀԿ խմբակցության ղեկավար Վահրամ Բաղդասարյանը:
Նա նշեց, որ քառօրյա նիստերից առաջ՝ ուրբաթ օրը, լինում է օրակարգի հաստատում, եւ պատգամավորները իրազեկված չեն լինում եւ պատրաստ չեն գալիս, դրա համար որոշեցին մի հանձնախումբ ստեղծել եւ հրավիրել բոլոր այն պատգամավորներին, որոնք որ քննարկվող օրենքների շուրջ հաջորդ քառօրյային ունեն հետաքրքրություն, ելույթներ պետք է ունենան, մարդկանց ուղղակի պատրաստում ենք, թե ինչ է լինելու հաջորդ քառօրյային: «Իրազեկենք, որ մարդիկ իմանան ինչ օրենքներ պետք է քննարկվի, շատ օրենքներ կան, որոնք վիճահարույց են, նաեւ մյուս քաղաքական ուժերի հետ ենք պատրաստ համագործակցել, որպեսզի քառօրյայում պատրաստված, ավելի գրագետ առաջարկություններ անենք»,-ասաց նա:
Խմբակցության ղեկավարը տեղեկացրեց, որ հանձնախումբը բաղկացած է 18 հոգուց՝ հանձնաժողովի նախագահներ, ներկայացուցիչներ այլ կուսակցություններից եւ այլն: Նիստին ներկա են եղել հանձնախմբի բոլոր անդամները, բացի 2 հոգուց, որոնք գործուղման մեջ են: