Լիբիայի Ներկայացուցիչների պալատը (նոր մշտական խորհրդարանը) մերժել է երկրի վարչապետ Աբդալա Աբդուրռահման աթ Թանիի առաջարկած կառավարության կազմը:
Այս մասին հայտնում է արաբական «Սքայ Նյուզ Արաբիա» հեռուստաալիքը: Խորհրդարանականների նման որոշման պատճառը չի հաղորդվում:
Խորհրդարանն աթ Թանիին հանձնարարել էր նոր կառավարություն ձեւավորել, որը «կբավարարի Լիբիայի հասարակության բոլոր շերտերին», փոխանցում է ԻՏԱՌ-ՏԱՍՍ-ը:
Ավելի վաղ աթ Թանիիի կառավարությունն ամբողջ կազմով հրաժարական էր տվել: Կառավարության հաղորդագրությունում նշվել էր, որ այդ քայլը թելադրվել է բացառապես սահմանադրության օրենքներով, որը նախատեսում է նոր կառավարության ձեւավորում: