Այն բանից հետո, երբ Եվրասիական տնտեսական միությանը անդամակցության համաձայնագրի շրջանակներում պարզ կդառնան Հայաստանի պարտավորությունները, Մեծ Բրիտանիան պատրաստ է խորացնել Հայաստանի հետ տնտեսական հարաբերությունները: Այդ մասին այսօր՝ սեպտեմբերի 17-ին, «ՆԱՏՕ-ի գագաթնաժողովի ազդեցությունը Հայաստանի եւ Հարավային Կովկասի վրա» թեմայի քննարկման շրջանակներում լրագրողներին հայտարարեց Հայաստանում Մեծ Բրիտանիայի արտակարգ եւ լիազոր դեսպան Քեթրին Լիչը: Անդրադառնալով տեցեկություններին, որ հոկտեմբերի սկզբին Հայաստանը կմիանա ԵՄ-ին, դեսպանը նշեց, որ Երեւանն իր ընտրությունը կատարել է եւ Լոնդոնը հարգում է այն:
Հիշեցնենք, որ ԱՊՀ հարցերով Դումայի կոմիտեի ղեկավար Լեոնիդ Սլուցկին այսօր հայտարարել էր, որ Ռուսաստանին, Բելառուսին եւ Ղազախստանին կմիանան նաեւ այլ երկրներ. «Հոկտեմբերի 9-ին Հայաստանը, իսկ հետո՝ Ղրղզստանը»,- նշել է Սլուցկին: