Մոսկվայի Նիկուլինյան դատարանը մերժել է «Իսլամ Բոլշոյ» մականվամբ այսպես կոչված «օրենքով գողին» կալանավորելու միջնորդությունը, հաղորդում է «ՌԻԱ Նովոստին»՝ վկայակոչելով դատարանի մամուլի ծառայությանը:
Ավելի վաղ հայտնի էր դարձել, որ դատարանը հրաժարվել է կալանավորել «օրենքով գող» Հազիր Ակբուլատովին: Երկու տղամարդիկ էլ մեղադրվում են թմրանյութերի ապօրինի շրջանառության մեջ:
Երկու կասկածյալի նկատմամբ քրեական գործ է հարուցվել «Թմրանյութերի ապօրինի շրջանառություն» հոդվածով:
Նախօրերին Մոսկվայի բիլիարդի ակումբներից մեկում իրավապահ մարմինների աշխատակիցները ձերբակալել են 3 «օրենքով գող». 39-ամյա չեչեն «Իսլամ Բոլշոյին», 51-ամյա «Պուզիրին», եւ 41-ամյա վրացի «Թեկոյին»:
