Ազգային ժողովի ՀՀԿ խմբակցության պատգամավոր Սուքիաս Ավետիսյանը զարմանում է, թե ինչպես են բողոքի ակցիաների ժամանակ մասնակիցները ցանկանում գրավել Հայաստանի նախագահի նստավայրը կամ Ազգային ժողովի շենքը։ Այսօր՝ սեպտեմբերի 18-ին, լրագրողների հետ զրույցում ՀՀԿ-ական պատգամավորը հայտարարեց, որ ակցիաները պետք է անել միայն օրենքի սահմաններում։

«Ես չգիտեմ՝ Հայաստանի ոստիկանապետն ինչ է սպառնացել մեկ շաբաթ առաջ, բայց եթե հանրահավաքը թույլատրված է, ապա պետք է լինի կարգ ու կանոնով։ Ինձ համար անհասկանալի է, թե ինչ է նշանակում՝ գնալ այս շենքի վրա, այն շենքի վրա»,- ասաց նա։

Սուքիաս Ավետիսյանի խոսքով՝ որոշ քաղաքական գործիչներ, տեսնելով մի քանի հարյուր մարդ, սկսում են կուրծք ծեծել եւ մարդկանց ուղղորդել դեպի Բաղրամյան 26:

Նշենք, որ սեպտեմբերի 13-ին, անդրադառնալով քառյակի խոստացած թեժ աշնանը, Վլադիմիր Գասպարյանը հայտարարել էր, որ թեժ աշնան համար կան սառը ցնցուղներ։ 

Լուսանկարը՝  Արսեն  Սարգսյանի/NEWS.am