Նախագահ Սերժ Սարգսյանն այսօր հյուրընկալել է Ն.Ս.Օ.Տ.Տ. Գարեգին Բ Ծայրագույն Պատրիարք եւ Ամենայն Հայոց Կաթողիկոսին եւ Ն.Ս.Օ.Տ.Տ. Արամ Ա Մեծի Տանն Կիլիկիո Կաթողիկոսին:
Երեւանում առաջիկա օրերին անցկացվելիք կարեւորագույն երկու միջոցառումներից՝ Եկեղեցական-ներկայացուցչական 5-րդ ժողովից եւ Հայաստան-Սփյուռք 5-րդ համաժողովից առաջ Հանրապետության նախագահը, Ամենայն Հայոց Հայրապետը եւ Մեծի Տանն Կիլիկիո Հայրապետն անդրադարձել են աշխարհասփյուռ հայության եւ մայր հայրենիքի առջեւ ծառացած համազգային խնդիրներին ու մարտահրավերներին, այդ թվում՝ Սիրիայում դեռեւս դժվարին իրավիճակում գտնվող մեր հայրենակիցներին համատեղ ուժերով աջակցությանը, քննարկել նաեւ սփյուռքի գաղթօջախներում հայապահպանությանն ուղղված աշխատանքներին եւ պետություն-եկեղեցի հարաբերություններին ու համագործակցությանը վերաբերող հարցեր:
