Նոր Զելանդիայի գիտնականները հայտնել են անսովոր գտածոյի մասին. բռնել են 350 կգ-անոց կաղամար՝ ամբողջական տեսքով պահպանված երկրորդ նմուշը, որը հայտնի է կենդանաբաններին: Կաղամարն ունի 3 սիրտ:
Գիտնականները նաեւ նշել են կենդանու տեսողական օրգանների լավ պահպանվածությունը:
Նաեւ հաղորդվում է, որ տվյալ կաղամարը էգ է եւ ձվադրել է:
Հսկա կաղամարը հայտնաբերել է ձկնորսական նավի անձնակազմը: Նավապետը հայտնել է, որ ծովի մակերեւույթին հսկա կենդանի է նկատել եւ հրամայել այն խնամքով նավահանգիստ հասցնել, փոխանցում է MIGnews.com-ը:
Գիտնականները պնդում են, որ ներկայումս անհայտ է օվկիանոսի ջրերում հսկայական կաղամարների հստակ թիվը, սակայն հայտնի է, որ նրանց միսը սիրում են փոկերը: Երբ ուսումնասիրության համար անհրաժեշտ բոլոր նմուշները վերցվեն կաղամարից, այն կպահպանեն հետագա ուսումնասիրությունների համար:
