Արցախում հակառակորդի կրակոցից մահացած զինծառայող, 24-ամյա Մհեր Հակոբյանի հայրը եւս զինվորական է: Այս մասին հայտնեցին NEWS.am-ի աղբյուրները: Մեր տեղեկություններով՝ նրա հայրը աշխատում է զորամասում, կոչումով փոխգնդապետ է:
Ընտանիքը մի ժամանակ ապրում էր Վանաձորում, այժմ ապրում է Դիլիջանում: Մահացած զինծառայողի եղբայրը գտնվում է Ռուսաստանի Դաշնությունում: Մեր տեղեկություններով՝ զինծառայողը ամուսնացած չէր: Ինչ վերաբերում է դեպքին, ապա կրակոցը այնպիսին է եղել, որ նա հենց տեղում է մահացել:
Հիշեցնենք, որ սեպտեմբերի 18-ին՝ ժամը 09:15-ի սահմաններում, ղարաբաղա–ադրբեջանական հակամարտ զորքերի շփման գծի հարավային ուղղությամբ տեղակայված զորամասերից մեկի պահպանության տեղամասի մարտական հենակետում հակառակորդի կողմից արձակված կրակոցից մահացու վիրավորում է ստացել զինծառայող, 1990թ. ծնված Մհեր Հովհաննեսի Հակոբյանը: Մեր տեղեկություններով՝ նա բնակվել է Վանաձորում, զորակոչվել է Դիլիջանի զինկոմիսարիատից: Ծառայում է 2007թ, ավագ լեյտենանտ է, սպա: Քրեական գործը հարուցվել է ՔՕ 104-րդ հոդվածի 2-րդ մասի 13-րդ կետի հատկանիշներով: Այդ հոդվածով սահմանվում է ազգային, ռասայական կամ կրոնական ատելության կամ կրոնական մոլեռանդության շարժառիթով: