Երեւանի Նոր Արեշ թաղամասում սեպտեմբերի 18-ին 35-ամյա Արսեն Մկոյանի կրակոցներից մահանալու դեպքի առթիվ հարուցվել է քրեական գործ: Այս մասին հայտնեցին NEWS.am-ի աղբյուրները:
Քրեական գործը հարուցվել է ՔՕ-ի 104-րդ հոդվածի հատկանիշներով (սպանություն):
Մեր տեղեկություններով՝ ոստիկաններն ամբողջ գիշեր աշխատել են, լայնածավալ միջոցառումներ են իրականացրել եւ բացահայատման հեռանկարներն առկա են, շուտով կլինեն ձերբակալություններ: NEWS.am-ի աղբյուրներն հայտնում են, որ սպանությունը ընկերական շրջապատում ունեցած խնդիրների արդյունք է: 35-ամյա տղամարդու վրա կրակել են որսորդական հրացանով, մեքենան կանգնել է, ինչ-որ մեկը իջել է, կրակել եւ հեռացել: Արսեն Մկոյանը չէր աշխատում, ժամանակ առ ժամանակ մեկնում էր ՌԴ՝ արտագնա աշխատանքի:
Ավելի վաղ NEWS.am-ը հայտնել էր, որ սեպտեմբերի 18-ին, ժամը 15։00-ի սահմանում անհայտ անձինք մեքենայով մոտեցել են 35-ամյա Արսեն Մկոյանին, կրակել ու հեռացել։ Արսենը տեղափոխվել էր «Էրեբունի» բժշկական կենտրոն, որտեղ վիրահատության ժամանակ մահացել էր։