Արեւմտյան Աֆրիկայի երկրներից Գվինեայում, որտեղ վերջին ամիսներին տարածվել է էբոլա տենդը, սպանվել է ութ մարդ, երեքը՝ լրագրող, հայտնում է Reuters-ը:
Դեպքը կատարվել է երկրի հարավ-արեւելքում: Հարձակման զոհերը այն խմբի կազմում էին, որը աշխատում էր տեղի բնակչության հետ՝ փորձելով մարդկանց բացատրել մահաբեր տենդով վարակվելու ռիսկերը:
«Գյուղական սանհանգույցում գտնվել է ութ դիակ, որոնցից երեքի կոկորդը կտրած էր», — պատմել է Գվինեայի կառավարության մամուլի քարտուղար Դամանթանգ Ալբերտ Կամարան, փոխանցում է Lenta.ru-ն:
Էբոլայի համաճարակը սկսվել էր այս տարվա փետրվարին Գվինեայում, այնուհետեւ տարածվել էր Սիերա Լեոնեյում, Լիբերիայում եւ Նիգերիայում: Օգոստոսին հայտնի էր դարձել, որ վտանգավոր համաճարակը հասել է Կոնգո եւ Սենեգալ:
