Ծաղկաձորում (սպորտբազա, 3-րդ մասնաշենք) սեպտեմբերի 20-ին, տեղի կունենա սեմինար քաղաքացիական հասարակական կազմակերպությունների համար, որի ընթացքում շուրջ 75 ՀԿ-ի ներկայացուցիչներ կծանոթանան ՀՀ նախագահի աշխատակազմի կողմից հատկացվող դրամաշնորհային մրցույթին, դիմելու մանրամասներին, մրցույթի շրջանակներում հայտարարված անվանակարգերին։
ՀԿ-ների համար կազմակերպված քառօրյա դասընթացը նպատակ ունի բարձրացնել քաղաքացիական հասարակական կազմակերպությունների իրազեկության մակարդակը ՀՀ նախագահի աշխատակազմի կողմից հատկացվող դրամաշնորհային մրցույթի վերաբերյալ։
Սեմինարը կազմակերպել է Հայաստանի երիտասարդական հիմնադրամը՝ որպես ՀՀ նախագահի կողմից ընտրված գործընկեր կազմակերպություն, եւ անցկացնում է «ՀԿ Կենտրոն» քաղաքացիական հասարակության զարգացման կազմակերպությունը։