Բերեժանի քաղաքում սեպտեմբերի 26-27-ին նախատեսում են մի շարք միջոցառումներ՝ նվիրված Սբ. Գրիգոր եկեղեցու կառուցման 250-ամյակին:
Ուկրաինայի հայերի միության եւ Ուկրաինայի մշակույթի նախարարության կողմից կազմակերպված միջազգային գիտագործնական խորհրդաժողովում նախատեսվում է Ուկրաինայից, Լեհաստանից եւ Հայաստանից գնացած հայտնի գիտնականների մասնակցությունը: AnalitikaUA.net-ին ՈՒՀՄ-ի պատմամշակութային հարցերով հանձնաժողովից հայտնել են, որ խորհրդաժողովը տեղի կունենա Բերեժանի քաղաքում՝ Հայկական Սուրբ Գրիգոր եկեղեցու հիմնադրման 250-ամյակին նվիրված միջոցառումների շրջանակում:
Միջոցառումները տեղի կունենան սեպտեմբերի 26-27-ին, սպասվում է հայ եւ ուկրաինացի հոգեւորականության, մարզային իշխանությունների եւ մտավորականության ներկայացուցիչների ներկայությունը:
Միջոցառումների ծրագիրը ներառում է ցուցահանդես, միջազգային խորհրդաժողով, գրքերի շնորհանդես, գրական-գեղարվեստական երեկո, ֆիլմերի ցուցադրություն, էքսկուրսիա:
Խորհրդաժողովին զեկույցներ կկարդան 28 թեմաներով՝ նվիրված Ուկրաինայի հայերի պատմությանը: Խորհրդաժողովի արդյունքերով նախատեսվում է նյութերի հրապարակում ՈՒՀՄ-ի «Հայագիտության արդիական հարցերը» ժողովածուում:
Բերեժանիում Սուրբ Գրիգոր հայկական եկեղեցին բարոկկո ոճի վանք է՝ կառուցված հայ համայնքի միջոցներով, որը XVII-XVIII դդ. զգալի դեր է ունեցել քաղաքի կյանքում:
Հայտնի է, որ հայերը նշանակալի դեր են ունեցել Ուկրաինայի պատմության մեջ: Ժամանակակից Ուկրաինայի տարածքում հայերի հայտնվելը թվագրվում է XI–XII դդ: Հայերը նյութական եւ հոգեւոր զգալի ժառանգություն են թողել Ուկրաինայում իրենց բազմադարյա գոյության ընթացքում: