Ավստրալիական «Qantas» ավիաընկերության ինքնաթիռը հարկադրված վայրէջք է կատարել Քերնս քաղաքում հարբած ուղեւորի պատճառով, ով փորձել է սպասարկման գոտուց վիսկի գողանալ, գրում է « The Sydney Morning Herald »-ը:
Միջադեպը տեղի է ունեցել «Airbus A330-300» օդանավում, որը Բանգկոկից Սիդնեյ էր մեկնում: 34-ամյա տղամարդը մի քանի անգամ փորձել վիսկի գողանալ, ուղեկցորդները չորս անգամ ստիպված են եղել կարգազանցին պլաստմասե ձեռնաշղթաներ հագցնել, հաղորդում է «Gazeta.ru»-ն:
Այս պահին տղամարդուն ձերբակալել են: Նրան մինչեւ 5000 դոլար չափի տուգանք է սպառնում եւ երկու տարվա ազատազրկում: