Եգիպտոսի ՌՕՈւ տրանպորտային ինքնաթիռը վթարի է ենթարկվել Էլ-Ֆայում նահանգում՝ Կահիրեից 100 կմ հարավ: Ինչպես հաղորդում է տեղական հեռուստատեսությունը, օդանավում գտնվող վեց զինծառայողները, այդ թվում նաեւ երկու օդաչուները, զոհվել են, եւս մեկը վնասվածքներ է ստացել, հաղորդում է ԻՏԱՌ-ՏԱՍՍ-ը:

Ստացված տեղեկությունների համաձայն՝ օդանավը հետախուզական թռիչք էր իրականացնում եւ վթարի է ենթարկվել թռիչքից մի քանի րոպե անց: Միջադեպի պատճառները պարզվում են: Նախնական տեղեկությունների համաձայն՝ խափանվել է օդանավի շարժիչը: