Ռուսաստանցիները ՌԴ Դաշնային միգրացիոն ծառայությանը տեղեկացնում են իրենց երկրորդ քաղաքացիության մասին, օրենքի նոր կանոնները կատարելուց շեղվելու մասին խոսելու հիմքեր չկան: Այդ մասին հայտնել է գերատեսչության ղեկավարի տեղակալ Անատոլի Ֆոմենկոն, փոխանցում է «ՌԻԱ Նովոստին»:
Ռուսաստանում օգոստոսի 4-ին ուժի մեջ են մտել քաղաքացիության մասին օրենքի փոփոխությունները: Այժմ նրանք, ովքեր բացի ՌԴ քաղաքացիությունից ունեն նաեւ այլ քաղաքացիություն (կամ արտասահմանյան պետությունում ապրելու իրավունք), պարտավոր են գրավոր այդ մասին տեղեկացնել ԴՄԾ-ին: Դա կարելի է անել անձամբ կամ փոստով` ընդ որում երկրորդ քաղաքացիություն ձեռք բերելուց հետո երկու ամսից անց ոչ ուշ: Պետք չէ ծանուցում ուղարկել այն ռուսաստանցիներին, որոնք մշտապես ապրում են արտասահմանում:
«Հիմք չկա ասելու, որ կան այս օրենքի կանոններին հետեւելուց զանգվածային շեղումներ», - ասել է Ֆոմենկոն:
Նա նաեւ նշել է, որ օրենքի կիրառման նկատմամբ հատուկ պահանջներ այժմ չկան: Ընդ որում գործակալության զրուցակիցը դժվարացել է նշել հստակ թիվը, թե որքան ծանուցումներ է արդեն ստացել միգրացիոն ծառայությունը:
