ԱՄՆ-ում յուրաքանչյուր հինգերորդ տղամարդն ինտիմ բնույթի բռնություն է կիրառում իր զուգընկերուհու կամ զուգընկերոջ հանդեպ: Ազգային հարցման արդյունքում նման եզրահանգնման են եկել Միչիգանի համալսարանի գիտնականները:
Մասնագետները հայտարարում են, որ ամուսնության մեջ բռնությունը կարող է մի քանի պատճառ ունենալ: Ըստ Informing.ru-ի՝ ալկոհոլի կամ թմրանյութի օգտագործումը, ինչպես նաեւ բռնակալությունը, որոնց երեխաները ենթարկվում են իրենց ծնողների ընտանեկան վեճերի ժամանակ. այս ամենը, անշուշտ, հետք է թողնում մարդու հոգեբանական վիճակի վրա եւ սարսափելի հետեւանքների հանգեցնում:
Վիճակագրության համաձայն, ավելի քան 300 հազար ամերիկուհիներ ամեն տարի բժշկական օգնության են դիմում՝ զուգընկերոջ կողմից ինտիմ բնույթի բռնության հետեւանքով: Բացի այդ, ընտանեկան բռնությունը 1.200 դեպքերում կնոջ համար ավարտվում է մահացու ելքով: