«Ֆենխուան» արեւադարձային փոթորկը հասել է Չինաստանի ցամաքային շրջաններին՝ Չժեցզյան նահանգ: Այդ մասին հաղորդում է երկրի պետական օդերեւութաբանական վարչությունը:
«Սինխուա» գործակալության տվյալներով՝ Չժենցզյանի ավելի քան 250 հազար բնակիչներ տարհանվել են առավել անվտանգ վայրեր: Թայֆունի պատճառով նահանգի մի շարք ավիաչվերթներ չեղարկվել են, խաթարված է տեղի հասարակական տրանսպորտի նորմալ աշխատանքը, հաղորդում է «ԻՏԱՌ-ՏԱՍՍ»-ը:
Չինացի օդերեւութաբանները գրանցել են այս սեզոնի թվով 16-րդ թայֆունի առաջին հարվածները: Ծառայության տվյալներով՝ քամու ուժգնությունը հասել է 28 մ/վ-ի: Թայֆունն ուղեկցվում է տեղատարափ անձրեւներով:
Թայֆունը շարունակում է շարժվել հյուսիս-արեւելյան ուղղությամբ: