14 հոգի զոհվել ու 37-ը վիրավորվել են սեպտեմբերի 23-ին Իրաքի մայրաքաղաք Բաղդադում տեղի ունեցած պայթյունի հետեւանքով, հաղորդում է «France-Presse» գործակալությունը:
Ականապատ մեքենան պայթել է Բաղդադի շիա Սադր Սիթի շրջանում՝ շուկայի մոտակայքում: Այլ մանրամասներ դեռ չեն հաղորդվում:
Նախօրեին նման ահաբեկչություն տեղի էր ունեցել Բաղդադի արեւելքում՝ Ուր շրջանում, որի հետեւանքով 12 մարդ էր զոհվել, 25-ը վիրավորվել էին:
Իրաքում մի քանի ամիս առաջ կտրուկ ակտիվացել է «Իսլամական պետություն» ահաբեկչական խմբավորումը, որը կապ ունի «Ալ Քաիդայի» հետ: Միջազգային հանրությունը կոալիցիա է կազմում վտանգավոր խմբավորման չեզոքացման համար, առանձին երկրներ Իրաքին ռազմական եւ հումանիտար օգնություն են ցուցաբերում: