Փարիզի հոկտեմբերի 2-ին կայանալիք ավտոսրահում կկայանա թարմացած Honda Civic-ի եւ Civic Tourer-ի շնորհանդեսը, որոնք Android ՕՀ-ի հիմքով մուլտիմեդիա համակարգ են ստացել:
Honda ընկերությունը նորույթների մասին տեղեկություն չի հայտնում՝ առաջարկելով դրանք տեսնել Փարիզի ավտոսրահում:
Նորացված Civic եւ Civic Tourer մոդելների դիզայնը տարբերվում է. դիոդային լույսերով նոր ցոլարձակներ, ռադիատորի խոշորացված ճաղավանդակ, բեռնախցիկի փոփոխված դուռ եւ այլն:
City-Brake Active համակարգն այժմ ունեն բոլոր Civic-ները. Այն վարորդին զգուշացնում է հնարավոր բախման մասին եւ ժամանակին արգելակում մեքենան: Իհարկե, նման համակարգը ճշգրիտ գործում է 30 կմ/ժ-ից ոչ արագ ընթանալու դեպքում:
«Civic»-ը նաեւ նոր աուդիո-տեղեկատվական համակարգ է ստացել. 7-դյույմանոց սենսորային էկրան, Bluetooth, ցանցային բրաուզեր, նավիգացիա:
«Honda» -ն նաեւ կընդլայնի «Civic»-ի եվրոպական գիծը՝ նոր «Civic Sport»-ի թողարկմամբ, որը կունենա 1,6 լիտրանոց դիզելային շարժիչ՝ 120 ձիաուժ հզորությամբ: Կլինի նաեւ բենզինային շարժիչով տարբերակ՝ 1,8լիտրանոց շարժիչով՝ ձիաուժ հզորությամբ: