ԱՄՆ-ի նախկին նախագահ Բիլ Քլինթոնի դուստրը՝ Չելսի Քլինթոնը, Facebook-ի իր էջում հայտնել է, որ դուստր է ունեցել:
«Մարկն ու ես առլեցուն ենք սիրով, օրհնությամբ եւ երախտիքով, քանի որ տոնում ենք մեր դստեր՝ Շառլոթ Քլինթոն Մեւզինսկու ծնունդը», — շաբաթ օրը Facebook-ի իր էջում գրել է նախկին նախագահի դուստրը, փոխանցում է «ՌԻԱ Նովոստին»:
Չելսի Քլինթոնը նախկին նախագահի միակ դուստրն է: 2010-ին նա ամուսնացել էր բանկիր Մարկ Մեւզինսկու հետ, 2011-ի նոյեմբերից աշխատում էր NBC հեռուստաալիքում, սակայն 2014թ. ապրիլին լքել էր պաշտոնը հղիության պատճառով:
