2014 թվականի առաջին կիսամյակի տվյալներով՝ ԵՄ «Արեւելյան գործընկերության» երկրների շարքում մամուլի ազատության ինդեքսով առաջատարը Վրաստանն է: Երկրորդ տեղում Մոլդովան է, երրորդում՝ Ուկրաինան, որն առաջ է անցել Հայաստանից, նրան թողնելով 4-րդ տեղում: Ադրբեջանն ու Բելառուսը եզրափակում են «մրցաշարային աղյուսակը»:
Մամուլի ազատության ինդեքսի եռամսյակային կտրվածքով ներկայացումը EaP Media Freedom Watch նախագծի մի մասն է, որն իրականացնում է «Ինտերնյուս-Ուկրաինա» կազմակերպությունը՝ «ԱՐեւելյան գործընկերության» մյուս 5 երկրների հասարակական կազմակերպությունների հետ համագործակցելով:
Մամուլի ազատության ինդեքսը հաշվարկվում է այդ երկրներում 4 կատեգորիաներով («քաղաքականություն», «պրակտիկա», «հեռուստառադիոհեռարձակում», «համացանց եւ նոր մեդիա») ստացվող բալերից:
Վարկանիշի կազմմանը մասնակցում են մեդիա ոլորտի ավելի քան 60 փորձագետներ, հաղորդում է EaP Media Freedom Watch-ը: