Ադրբեջանում տիրող հալածանքների շուրջ քննարկումները կանցկավեն Ստրասբուրգում՝ ԵԽԽՎ-ի աշնանային նստաշրջանի շրջանակներում, որը մեկնարկում է այսօր՝ սեպտեմբերի 29ին:
«Ադրբեջանում աննախադեպ հալածանքներ» թեմայով լսումները կկայանան հոկտեմբերի 2-ին: Կազմակերպիչներն են «Միջազգային մեդիա աջակցություն» (International MediaSupport ) ոչ կառավարական եւ «Human Rights House Foundation» իրավապաշտպան կազմակերպությունները:
Քննարկմանը կմասնակեն իրավապաշտպան կազմակերպությունների, այդ թվում՝ «Human Rights Watch»-ի ներկայացուցիչները:
Սեպտեմբերի 29-ին «Human Rights Watch»-ում հրապարակված հոդվածում նաեւ նշվում է, որ Ադրբեջանում բազում տարիներ շարունակվող ճնշումներն ու հալածանքները հասել են ճգնաժամային մակարդակի: «Ադրբեջանի ղեկավարության կողմից իրավապաշտպանների եւ կառավարության այլ ենթադրվող քննադատների նկատմամբ պարբերական ճնշումները Եվրոպայի Խորհրդի առաջ Ադրբեջանի պարտավորությունների նկատմամբ իրական արհամարհանք են: Չընդհատվող ճնշումներն անպատասխան թողնելը կնշանակի վտանգի տակ դնել կազմակերպության նկատմամբ վստահությունը», - հայտարարել է Հարավային Կովկասի հարցերով ավագ աշխատակից Գեորգի Գոգիան:
