Աֆղանստանի նորընտիր նախագահ Աշրաֆ Ղանի Ահմադզայը ԱՄՆ-ի հետ անվտանգության շուրջ համաձայնություն կստորագրի, հաղորդում է Reuters գործակալությունը՝ վկայակոչելով Քաբուլում ԱՄՆ-ի դեսպանատանը:
Համաձայնությունը թույլ կտա երկրում ոչ մեծ զորք թողնել:
Նշենք, որ 2014թ. ավարտվում է ԱՄՆ-ի եւ ՆԱՏՕ-ի իր դաշնակիցների գործողությունների ռազմական փուլը: Դաշինքը պատրաստվում է մինչեւ տարվա վերջ զորքերը դուրս Աֆղանստանից: Դրանից հետո երկրում մի քանի հազար ամերիկացի զինծառայողներ կմնան՝ աֆղանական զորքերին եւ ոստիկանությանը վերապատրաստելու նպատակով: Վերջիններս իրենց վրա պետք է վերցնեն երկրի անվտանգության ապահովման ողջ պատասխանատվությունը:
Հիշեցնենք, որ սեպտեմբերի 29-ին տեղի է ունեցել Աֆղանստանի նախագահ Աշրաֆ Ղանի Ահմադզայի երդմնակալությունը:
