Իտալացի անկախ լրագրող Թոմասո Դեբենեդետին սխալ տեղեկատվություն է տարածել Սիրիայում ծայրահեղական «Իսլամական պետություն» խմբավորման ղեկավարի սպանության մասին «Twitter»-ում բացած Ռուսաստանի ներքին գործերի նախարար Վլադիմիր Կոլոկոլցեւի կեղծ հաշվի միջոցով: Այդ մասին հաղորդում է «ՌԻԱ Նովոստին»:
«@KolokoltsevInt» միկրոբլոգը գրանցել են «Twitter»-ում սեպտեմբերի 23-ին, այն ունի ավելի քան 650 ընթերցող, որոնց թվում են հետազոտական ինստիտուտների, հեղինակավոր ԶԼՄ-ների, նույնիս ՆԱՏՕ-ի ներկայացուցիչներ: ԻՊ ղեկավարի սպանության մասին սխալ տեղեկությունը սկզբում հրապարակել են՝ վկայակոչելով Սիրիայում Ռուսաստանի դեսպանությանը, այնուհետ նաեւ սիրիական ՆԳՆ-ին: Հաշված ժամերի ընթացքում այս կեղծ տեղեկությունը տարածվել է բազմաթիվ լրատվական ռեսուրսների միջոցով ՝ նախ եւ առաջ արաբական աշխարհում: «Կեղծ հաշիվներում նման «լուրերի» տարածմամբ ես փորձում եմ հասարակությանը ցույց տալ այսպես կոչված «social media»-ի պակաս հավաստի լինելը: Ցավոք, հաճախ շատ ազդեցիկ լրատվամիջոցներ օգտագործում են այդ տեղեկությունն առանց քննելու, արժանի կերխով ստուգելու»,- հայտարարել է Դեբենեդետին:
