Ամերիկյան Յուտա նահանգում ամուսնական զույգի եւ նրանց երեք երեխաների մարմիններն են հայտնաբերվել: 37-ամյա Բենջամինը, 36-ամյա Քրիսթի Սթրաքը եւ նրանց որդիները՝ 14-ամյա Բենսոնը, 11-ամյա Զիոնը եւ դուստրը՝ 12-ամյա Էմերին, հայտնաբերվել են ծնողների ննջարանում: Ըստ Los Angeles Times-ի, մարմինները գտել են ընտանիքի մյուս երեխան ու տատիկը:
Ոստիկանությունը բռնության ոչ մի հետք չի հայտնաբերել եւ բացառել է հարձակման հնարավորությունը: Իրավապահ մարմինների աշխատակիցները սպասում են դատաբժշկական փորձաքննության արդյունքներին:
Օդում ածխածնի օքսիդ չի եղել, իսկ ոստիկանության ներկայացուցիչն ասել է, որ ստուգման պահին գազը կարող էր ցրվել: Հետաքրքիր է, որ տանը բնակվող կենդանիները չեն տուժել:
