Մեքսիկացին գրանցվել է Գինեսի ռեկորդների գրքում՝ որպես «Հարրի Փոթերի» ամենախոշոր հավաքածուատեր, փոխանցում է Gazeta.ru-ն:
Ըստ աղբյուրի՝ մեքսիկացին իր հավաքածուն ստեղծել է գրեթե 15 տարում: Այն զբաղեցնում է երկու սենյակ, որոնցում կարելի է գտնել ամեն ինչ՝ կախարդական փայտիկներից եւ խաղալիք ֆիգուրներից մինչեւ քվիդիչ խաղալու ավելների կրկնօրինակները:
Գինեսի ռեկորդների գրքի ներկայացուցիչներն ընդհանուր առմամբ 3097 առարկա են հաշվել: Նախորդ ռեկորդը 807 իրից էր բաղկացած եղել: