Ուկրաինայի ԿԸՀ-ն ավարտել է արտահերթ խորհրդարանական ընտրություններում պատգամավորի թեկնածուների գրանցումը, փոխանցում է «Ուկրաինսկայա պրավդան»:
Ըստ աղբյուրի` ԿԸՀ-ն դիտարկել է կուսակցությունների կողմից առաջադրված մեծամասնական ընտրատարաքների, ինչպես նաեւ ինքնաառաջադրված թեկնածուների գրանցման դիմումները:
Այսպես №212 շրջանում (Կիեւ) գրանցվել է փաստաբան Տատյանա Մոնտյանը, որին ներկայացրել է «Օբշեե դեյստվիե» կուսակցությունը:
Վերջին օրը ԿԸՀ-ի կողմից գրանցած մեծամասնական ինքնաառաջադրվածների թվում են գործող ժողովրդական պատգամավորներ Յուխիմ Զվյագիլսկին (№45 շրջան, Դոնեցկի մարզ) եւ Վիկտոր Պիլիպիշինը (№223, Կիեւ), Ուկրաինայի երրորդ նախագահ Վիկտոր Յուշչենկոյի խորհրդական Իրինա Վանիկովան (№111, Լուգանսկի մարզ), «Ազոտ» ՍՊԸ-ի նախագահ Վալենտինա Ժուկովսկայան (№194, Չերկասի մարզ):
Ընդամենը գրանցվել է 322 թեկնածու մեծամասնական ընտրատարածքներում. 19-ին ներկայացրել են կուսակցությունները, 309-ը` ինքնաառաջադրվել են: Մեծամասնական ընտրատարածքներում ընտրություններին մասնակցելու համար գրանցվել է 3468 թեկնածու, այդ թվում` 2087 ինքնառաջադրված եւ 1381 կուսակցության կողմից ներկայացված: