Նովոսիբիրսկի դատարանի առաջ կկանգնեն երկու երիտասարդներ, որոնք ազգային հողի վրա ծեծի էին ենթարկել բժշկական համալսարանի ուսանողի: Սպանությամբ սպառնալով՝ նրան նետել էին երկաթգծերի վրա՝ մոտեցող էլեկտրագնացքի ճանապարհին, հայտնում է Արեւմտյան Սիբիրի տրանսպորտային դատախազությունը:
«Թշնամանք եւ ատելություն տածելով կովկասցիների հանդեպ՝ նրանք ձեռքով բազմաթիվ հարվածներ են հասցրել տուժածի դեմքին, ինչից հետո գցել են երկաթգծերին, որոնցով մոտենում էր էլեկտրագնացքը», - ասված է հաղորդագրությունում, փոխանցում է ԻՏԱՌ-ՏԱՍՍ-ը:
Նովոսիբիրսկում երկու գործազուրկներ փորձել են հայի հետ հաշիվները մաքրել: Մատվեեւկա կայարանում համակուրսեցիների ներկայությամբ նրան ծեծի են ենթարկել եւ գցել երկաթգծերին՝ մոտեցող էլեկտրագնացքի ճանապարհին, հայտնում է INFO. SIBNET.ru-ն:
Նովոսիբիրսկի տրանսպորտային դատախազը հաստատել է Նովոսիբիրսկի երկու գործազուրկ բնակիչների մեղադրական եզրակացությունը: Քննությունը պարզել է, որ 2014թ. ապրիլի 9-ին նրանք Մատվեեւկա կայարանում հանդիպել են անծանոթ հայի, նրան ծեծել են եւ գցել երկաթգծերին:
Նովոսիբիրսկցիներին մեղադրում են ազգային հողի վրա ծեծի ենթարկելու եւ սպանության սպառնալիքների մեջ: Այս հոդվածներով մինչեւ 7 տարվա ազատազրկում է նախատեսված: Գործը փոխանցվել է դատարան:
