Եթե 2017թ. ընտրություններին ԲՀԿ-ն ստեղծի այնպիսի իրավիճակ, որ ՀՀԿ-ն խորհրդարանում մեծամասնություն չունենա, այդ դեպքում նախագահի պաշտոնում ԲՀԿ առաջնորդ Գագիկ Ծառուկյանի առաջադրման հնարավորությունը կաճի: Այս մասին հոկտեմբերի 1-ի մամուլի ասուլիսում հայտարարել է Կովկասի ինստիտուտի փոխտնօրեն, քաղաքագետ Սերգեյ Մինասյանը:
Հայաստանում, ըստ նրա, այս տեսանկյունից խորհրդարանական ընտրությունները նախագահականից կարեւոր են: Գործող իշխանությունների համար, ըստ քաղաքագետի, ծագում է նախագահին փոխարինող գտնելու հարցը:
«Շրջանառվում են վարչապետ Հովիկ Աբրահամյանի, Գագիկ Ծառուկյանի, Սեյրան Օհանյանի անունները, սակայն բոլորն էլ հասկանում են, որ վերջնական որոշում չկա եւ դա հիմնականում կախված կլինի խորհրդարանական ընտրություններից կամ դրան նախորդած դեպքերից», - ընդգծել է Սերգեյ Մինասյանը:
