Ռուսաստանը մտադիր չէ սահմանափակել ինտերնետի հասանելիությունը կամ այն վերահսկել, գրում է Gazeta.ru-ն՝ մեջբերելով Անվտանգության խորհրդում ելույթ ունեցած ՌԴ նախագահ Վլադիմիր Պուտինի խոսքերը:
«Կցանկանայի ընդգծել, որ մենք մտադիր չենք սահմանափակել ինտերնետի հասանելիությունը կամ այն ենթարկել ամբողջական վերահսկողության, սահմանափակել տեղեկատվական ոլորտում մարդկանց, հասարակական կազմակերպությունների եւ բիզնեսի օրինական շահերն ու հնարավորությունները», - հայտարարել է Պուտինը:
Նախագահն ընդգծել է, որ անհրաժեշտ է ռուսական ինտերնետի պաշտպանությանն ուղղված միջոցառումների համալիր մշակել: «Անհրաժեշտ է որակապես բարձրացնել հայրենական կապի ցանցերի եւ տեղեկատվական ռեսուրսների պաշտպանվածությունը, եւ հատկապես նրանց, որոնք օգտագործվում են պետական կառույցների կողմից: Պետք է ձգտել բացառել անօրինական միջամտությունը, ինչպես նաեւ անձնական ու գաղտնի տեղեկատվության արտահոսքը», - նշել է նախագահը: