ԱՄՆ նախագահ Բարաք Օբաման հոկտեմբերի 1-ին Իսրայելի վարչապետ Բենյամին Նեթանյահուի հետ հանդիպման ընթացքում կոչ է արել օգնել տեղից շարժել պաղեստիների հետ ստատուս-քվոն, քանի որ կողմերը ձգտում են տարածաշրջանում ավելի ամուր խաղաղություն հաստատել: Այս մասին գրում է The Wall Street Journal-ը:
Ամերիկյան առաջնորդի խոսքով՝ հարկավոր է ստատուս-քվոյի փոփոխության համար ուղիներ գտնել, որպեսզի «ե՛ւ Իսրայելի քաղաքացիները սեփական տներում անվտանգ ապրեն, ե՛ւ պաղեստինյան երեխաները չզոհվեն»:
Կողմերը նշել են, որ քննարկելու են նաեւ Մերձավոր Արեւելքում «Իսլամական պետություն» խմբավորման զինյալների դեմ միջազգային կոալիցիայի հարցը: «Իսրայելը լիովին աջակցում է «Իսլամական պետության» ոչնչացման ուղղությամբ ձեր ջանքերին: Մենք կարծում ենք, որ բոլորը պետք է աջակցեն»,- նշել է իսրայելցի վարչապետը:
Հարկ է նկատել, որ Օբաման եւ Նեթանյահուն առաջին անգամ են հանդիպել այս ամառ Գազայի հատվածում քաղաքացիական բնակչության շրջանում զոհերի առիթով ԱՄՆ-ի կողմից հնչած քննադատությունից հետո:
