Չինաստանի կառավարությունը հեռացնում է Հոնկոնգի ցույցերի մասին նորությունները, հայտնում է «Ամերիկայի նորություններ» պորտալը: Ըստ աղբյուրի՝ մեկ մարդ կալանավորվել է ցույցերը լուսաբանելու համար:
Հոնկոնգի մամուլը միաժամանակ ռեպորտաժներ է ցուցադրում, թե ինչպես են անզեն ուսանողները արցունքաբեր գազից պաշտպանվում անձրեւանոցներով:
Հոնկոնգի ցույցերի լուսաբանումը չինական հեռուստատեսությամբ սահմանափակվում է կարճ հաղորդագրությամբ, որը չի ուղեկցվում տեսագրությամբ կամ լուսանկարներով:
«Իշխանությունները սա կենաց ու մահու հարց են դիտարկում, ոչ թե տեղական նշանակության դեպք, այլ պատրույգ, որը կարող է պայթեցնել իրենց խաղաղությունը», - ասում է շանհայցի հրապարակախոս եւ անկախ վերլուծաբան Չժաո Չուն: