Գորիսի ոստիկանությանը չի հաջողվում դատարան բերման ենթարկել հունիսի 2-ին մարզպետ Սուրիկ Խաչատրյանի տան մոտ հնչած կրակոցների գործով վկա, Սուրիկ Խաչատրյանի որդուն՝ Տիգրան Խաչատրյանին։ Սյունիքի մարզի ընդհանուր իրավասության դատարանի Գորիսի նստավայրում այսօր՝ հոկտեմբերի 2-ին, ընթացող դատական հերթական նիստին Տիգրան Խաչատրյանը կրկին չի մասնակցում, թեեւ նախորդ նիստին նիստին որոշում էր կայացվել նրան բերման ենթարկելու մասին:
Դատական նիստի սկզբում ամբաստանյալ Արտակ Բուդաղյանի պաշտպան Հայկ Ալումյանը միջնորդություն ներկայացրեց դատավոր Նապոլեոն Օհանյանին ինքնաբացարկ հայտնելու մասին՝ պատճառաբանելով, որ վերջին շրջանում տեղի ունեցած իրադարձություններ ինքնաբացարկի նոր հիմքեր են տալիս:
«Սուրիկ Խաչատրյանի մարզպետ նշանակվելուց հետո վերջինս մարզպետարանում տեղի ունեցած հանդիպան ժամանակ շնորհակալություն է հայտնել հավաքվածներին և նշել, որ համագործակցում է եւ շարունակելու է համագործակցել Սյունիքի ազգային անվտանգության պետի հետ, Սյունիքի դատախազի հետ, Սյունիքի ոստիկանապետի հետ: Դատավորն ապրում է Սյունիքում և չի կարող որևէ դեպքով առնչություն չունենալ ոլորտների հետ, որոնք մարզպետի՝ Սուրիկ Խաչատրյանի իրավասության մեջ մտնող ոլորտներն են: Միայն այն, որ Գորիսի ոստիկանությունը չի կարողանում բերման ենթարկել Տիգրան Խաչատրյանին խոսում է այդ համագործակցության մասին»,- ասաց փաստաբանը։
Գործով տուժող, Սուրիկ Խաչատրյանի կնոջ՝ Լորետա Բարսեղյանի պաշտպան Ռուբեն Սահակյանը նշեց, որ Տիգրան Խաչատրյանի հետ հեռախոսով կապվել են, եւ նա այսօր կներկայանա դատարան»։
Լուսանկարը՝ Shamshyan.com-ի