ԵԽԽՎ մոնիթորինգի հանձնաժողովի ղեկավար Շտեֆան Շենախը հայտարարել է, որ Եվրոպայում խաղաղությունը հնարավոր է միայն ԵՄ երկրների եւ Ռուսաստանի միջեւ համաձայնության դեպքում, հաղորդում է ՏԱՍՍ-ը:
«Ռուսաստանը եվրոպական երկիր է: Կարծում եմ, ոչ ոք դեմ չի լինի դրան: Եվրոպայում խաղաղությունն ու զարգացումը հնարավոր են միայն Ռուսաստանի հետ, ոչ առանց Ռուսաստանի կամ նրա դեմ»,- վստահ է Շենախը:
Շենախը վստահ է, որ Եվրոպան ու Ռուսաստանը կարող են համատեղ միջազգային խնդիրների լուծում գտնել: «Մենք համաձայնության ենք եկել, չեմ կարող ասել ինչի շուրջ, քանի որ հանդիպումը փակ դռներից այն կողմ էր, սակայն ոչ ոք դեմ հանդես չի եկել համաձայնությանը»,- հաղորդել է Շենախը:
«Ես, որպես մոնիթորինգի հանձնաժողովի նախագահ եւ որպես հարեւանության ռուսական քաղաքականության հարցերով ենթահանձնաժողովի նապագահ, ամեն ինչ անում եմ, որպեսզի մենք չվերադառնանք «սառը պատերազմին»,- հավելել է Խորհրդարանական վեհաժողովի հանձնաժողովի նախագահը:
