«Ferrari» ընկերությունը հրաժարվել է սեդաններ ու ամենագնացներ արտադրելու գաղափարից, որը նախկինում էր դիտարկում, հաղորդում է «Autocar» պարբերականը:
Լուկա դի Մոնտեզեմոլոն «Ferrari»-ի նախագահի պաշտոնից իր հեռանալուն նվիրված մամուլի ասուլիսում հայտարարել է, որ հետ է համոզել «Fiat» կոնցերնի գործադիր տնօրեն Սերժիո Մարկիոնեին նման ծրագրերից:
«Մարկիոնեն խնդրել էր ինձ բեռնատար ստեղծել, սակայն ես հետ համոզեցի»,- ասել է Մոնտեզեմոլոն: «Ferrari»-ն շարունակելու է երկդռնանի սպորտային մեքենաներ արտադրել, այլ ոչ թե չորս դռներով մեքենաներ կամ ամենագնացներ»,- պարզաբանել է Մարկիոնեն:
