Երեւանում խորհրդարանական «եռյակի» (ԲՀԿ, ՀԱԿ, «Ժառանգություն») կողմից անցկացվող բազմահազարանոց ցույցին «Ժառանգություն» կուսակցության նախագահ Րաֆֆի Հովհաննիսյանը փորձեց զանգվածային ցույցի ընթացքը շրջել ընդդեմ Եվրասիական տնտեսական միության:
Հակառակ ցույցը վարող «Բարգավաճ Հայաստան» կուսակցության մամուլի քարտուղար Տիգան Ուրիխանյանի հավաստիացումներին, որ միտինգն ուղղված չէ ընդդեմ ԵՏՄ-ին երկրի անդամակցության՝ Րաֆֆի Հովհաննիսյանը Մինսկում համապատասխան փաստաթղթի ստորագրումը անվանել է ազգային շահերի դավաճանություն, որոնք կհանգեցնեն ինքնիշխանության եւ անկախության կորստին:
«Անցած տարի Սերժ Սարգսյանը նախագահական ընտրությունների ժամանակ գողացավ ժողովրդի ձայնը՝ իրենց հաղթող հռչակելով: Ուղիղ 5 տարի առաջ այս օրը՝ 2009թ. հոկտեմբերի 10-ին, Սերժ Սարգսյանը ստորագրեց հակապետական հայ-թուրքական արձանագրությունները: Այսօր, չունենալով ոչ մի իրավունք, Սերժ Սարգսյանը ստորագրեց ԵՏՄ-ին միանալու մասին պայմանագիր՝ խաչ դնելով Հայաստանի անկախությանը: Միայն օրինական իշխանության ի հայտ հալը թույլ կտա հետ շուռ տալ հայ-ռուսական հարաբերությունները, որտեղ հավասար իրավունքի եւ հարգանքի նշույլ անգամ չկա», - ընդգծեց Րաֆիի Հովհաննիսյանը:
Նա նաեւ հավելեց, որ ժողովուրդը, համախմբվելով եռյակի շուրջ, պետք է Սերժ Սարգսյանի ասի. «Քո ժամը հասել է, հեռացի´ր»:
